Россия Исроилга юзланди
Москва Исроилни Эрон ядровий объектларига эҳтимолий зарбадан огоҳлантирди, деди Россия ТИВ раҳбари ўринбосари Сергей Рябков.
«Биз Исроилни Эроннинг ядровий объектлари ва ядровий инфратузилмасига зарба бериш эҳтимолини ҳатто фаразий кўриб чиқишдан бир неча бор огоҳлантирдик ва бундан буён ҳам огоҳлантирмоқдамиз,» – деди Рябков.
Унинг аниқлик киритишича, «бундай зарба бугунги кунда мавжуд бўлган ядровий хавфсизлик соҳасидаги барча қоидаларни бутунлай йўқ қилади.»
