Пхенян ўз аскарларининг Украинага юборилаётганига изоҳ берди
Шимолий Корея Жанубий Корея ва Украинанинг Россия томонида жанг қилиш учун Украинага аскарлар юбораётгани ҳақидаги айбловларни асоссиз миш-мишлар деб баҳолади. Бу ҳақда Жанубий Кореянинг «Ryonhap» ахборот агентлиги Шимолий Кореянинг БМТдаги вакилига таяниб хабар берди.
Бу Пхеняннинг Россияга ҳарбий хизматчиларни юбориш ҳақидаги биринчи расмий изоҳидир. Шимолий Корея вакиллари, шунингдек, уларнинг Россия билан муносабатлари «қонуний ва ҳамкорликка асосланган» эканини, Украина билан урушда ёрдам ҳақидаги маълумотлар эса Пхенянни қоралаш ва унинг Москва билан муносабатларига путур етказишга уриниш эканлигини таъкидлади.
Октябрь ойи бошидан бери оммавий ахборот воситалари Шимолий Корея аскарлари Украина билан урушга жўнатилгани ҳақида ёзмоқда. 18 октябрь куни Жанубий Корея разведка агентлигига таяниб, Шимолий Корея 12 минг ҳарбий хизматчини, шу жумладан махсус бўлинмани Украинадаги урушга юбориши ҳақида маълумот пайдо бўлди. Шу куни Жанубий Корея президенти Юн Сок Ёл Шимолий Корея қўшинларининг Россиянинг Украинага қарши урушидаги иштирокини муҳокама қилиш учун разведка, армия ва миллий хавфсизликнинг асосий мутасаддилари билан хавфсизлик масалалари бўйича йиғилиш ўтказди.
