Шавкат Мирзиёев мамлакатда ўтган парламент сайловлари ҳақида ўз фикрларини билдирди
«Биз барча бўғиндаги депутатларимиз тимсолида зиммасидаги масъулиятни чуқур англайдиган, Янги Ўзбекистонни барпо этиш, халқимизнинг эркин ва фаровон ҳаётини таъминлаш йўлида ўзини аямасдан тинимсиз ҳаракат қиладиган, бор билим ва тажрибасини Ватан равнақи учун сафарбар этадиган фидойи инсонларни тасаввур қиламиз.
Халқимиз сизларнинг янги ғоя ва ташаббусингизга катта умид ва ишонч билан қарамоқда. Эл-юртимиз янги парламент ва маҳаллий кенгашлар аъзоларидан кўп нарсани кутмоқда” — деди президент.
Шунингдек, у халқнинг сайловлардаги юксак сиёсий маданияти ва фаоллиги учун миннатдорлик билдириб, халқ вакили мақомига эришган барча депутатларни табриклади.
