Россияда депутатлар мамлакатда ўлим жазосига қўйилган мораторийни бекор қилиш масаласини кўтарди
Давлат Думаси депутатлари ўлим жазосини Россияга қайтаришни таклиф қилишди.
Россия парламенти қуйи палатасининг ялпи мажлисида депутатлар мамлакатда ўлим жазосига қўйилган мораторийни бекор қилиш масаласини кўтарди. Муҳокамалар Crocus City Hallдаги теракт фонида бўлиб ўтди.
«Адолатли Россия – Ҳақиқат учун» партияси раҳбари Сергей Миронов унинг партияси террорчилар ва педофилларга ўлим жазосини қайтариш бўйича референдум ўтказишни талаб қилишини айтди. Миронов референдумни 2024 йил 8 сентябрь, Ягона овоз бериш кунида ўтказишни хоҳлашларини қўшимча қилди.
Давлат Думаси раиси Вячеслав Володин, ўз навбатида, ўлим жазосини қайтариш учун референдум ўтказишнинг ҳожати йўқ – Конституциявий суднинг қарори етарли эканини айтди.
Сенатор Андрей Клишас ўлим жазоси ҳақида спекуляция қилмасликка, балки Россия Федерацияси Конституциявий суди раисининг Конституцияни ўзгартирмасдан ўлим жазосини қайтариш мумкин эмаслигини айтган нутқини диққат билан ўқиб чиқишга чақирди. Россия Федерацияси.
