Путин Россияда қолган Европа компаниялари учун қулай шароит яратишга ҳаракат қилинаётганини айтди
Россия президенти Владимир Путиннинг «Вести» ахборот хизмати журналисти Павел Зарубинга берган интервьюсида айтишича, Россия бозорида фаолиятини давом эттираётган Европа компаниялари учун қулай шароит яратишга ҳаракат қилмоқда.
Путиннинг таъкидлашича, айрим Европа компаниялари Ғарбий Европа ҳукуматлари босими остида Россиядан кетишга мажбур бўлган ва бундан қаттиқ афсусланган.
«Европадаги дўстларимиз орасида Россиядан кетишга мажбур бўлганлар кўп. Айрим компаниялар эса ҳозир ҳам ишламоқда. Биз улар учун қулай шароит яратишга ҳаракат қиляпмиз», — деди Россия президенти.
