Шольц Трамп Украинага ёрдамни қисқартиришини кутмаяпти
Германия канслери Олаф Шольц Доналд Трамп 20-январда президентлик лавозимини эгаллаганидан сўнг АҚШнинг Украинага ҳарбий ёрдамни тўхтатишини кутмаётганини билдирди.
Германия канслери сайловдан кейин Трамп билан икки марта суҳбатлашганини ва икки томон ўртасида «жадал» дипломатик алоқалар ўрнатилганини таъкидлади.
«Шу сабабли, Европа ва АҚШ ўртасидаги самарали ҳамкорлик келажакда ҳам давом этишига, жумладан Украинани қўллаб-қувватлаш масаласида ҳам, умид қилишимиз мумкин,» деди Шольц.
«Шунинг учун мен АҚШнинг Украинани ҳимоя қилишда қўллаб-қувватлашни тўхтатишини кутмаяпман,» дея қўшимча қилди у.
