Мбаппе «Реал» сафида 30 та ўйинда 21 та голда қатнашди

Килиан Мбаппе «Лас-Пальмас»га қарши ўйинда иккита гол урди.

Мадриднинг «Реал» клуби форварди Ла Лиганинг 20-туридан ўрин олган «Лас-Пальмас»га қарши ўйиннинг 18-дақиқасида пенальтидан ҳисобни тенглаштирган бўлса, 36-дақиқада Родригонинг пасидан сўнг яна гол урди.

Мбаппе кетма-кет учинчи ўйинда «Реал» сафида рақиб дарвозасини ишғол қилди – у аввалроқ Испания кубогида «Сельта»га (5:2) ва Испания Суперкубоги финалида «Барселона»га қарши ўйинларда (2:5) гол урди.

Умуман олганда, Мбаппе «Реал» сафида барча мусобақаларда 30 та ўйинда майдонга тушиб, 17 та гол ва 4 та голли узатмага муаллифлик қилган.