Чеченистонда Қодировнинг «йўқолиши» ҳақидаги хабарларга муносабат билдирилди
Интернетда Чеченистон раҳбари Рамзан Қодиров Янги йил байрамларидан сўнг ахборот майдонидан йўқолгани ва расмий тадбирларда кўринмаётгани тўғрисидаги маълумотлар «ёмонлик истовчилар» ва «фитначи»ларнинг «уйдирмалари» эканлиги айтилди.
Бу ҳақда республиканинг миллий сиёсат, ташқи алоқалар, матбуот ва ахборот вазири Аҳмад Дудаев «Чечня сегодня» нашриётига берган шарҳида маълум қилди.
У Чеченистонда бундай «уйдирмаларга» аллақачон кўникиб қолишганини таъкидлади – «айтганларидек, бу ҳеч қачон бўлмаган ва мана яна такрорланмоқда». Дудаевнинг айтишича, йил бошидан буён Қодиров «ўз фаолиятини фаол равишда бошлаган, барча масалаларни шахсан назорат қилиб келмоқда», унинг иши ҳақидаги маълумотлар эса «очиқ расмий қисмдан» турли платформаларда эълон қилинмоқда.
Шу билан бирга, Дудаев 13 январдан бошлаб Чеченистон раҳбари расман таътилда эканлигини маълум қилди. Унинг расмий веб-сайтида тегишли фармойиш эълон қилинган. Қодиров бу даврдаги республика раҳбари вазифасини Чеченистон ҳукумати раиси Муҳаммад Довудовга юклади.
