АҚШ Россияга қарши санкцияларни кучайтирди

АҚШ Президенти Доналд Трамп маъмурияти санкцияга учраган Россия банклари орқали чекланган операцияларни амалга оширишга рухсат берувчи умумий лицензияни узайтирмади. Бу ҳақда «Fox news» Оқ уйдаги манбага таяниб хабар берди.

Эндиликда тўлиқ блокловчи санкциялар ВЕБ, Сбербанк, ВТБ, Алфа-банк ва бошқа тўққизта Россия молия муассасасига нисбатан жорий қилинади.

12-мартга қадар ушбу банкларга Россия энергия ресурслари учун тўловларни амалга ошириш мақсадида АҚШ долларидаги транзакцияларни ўтказишга рухсат берилган эди.

Бироқ, Трампнинг ушбу лицензияни бекор қилиш қарори туфайли Европа мамлакатлари Россия нефтини сотиб олишда санкцияларга учраш хавфи билан дуч келади.

«Fox news» манбаси таъкидлашича, ушбу чора АҚШнинг Москвани Украинадаги урушни тўхтатишга мажбурлаш бўйича музокара стратегиясининг бир қисми ҳисобланади. АҚШ Молия вазирлиги январ ойида берилган лицензия муддати тугаганини тасдиқлади ва келгусида истиснолар берилмаслигини маълум қилди.