Рим папаси соғлиғи тикланаётганини маълум қилди

Рим папаси Франсиск узоқ муддатли пневмония даволанишидан сўнг 23 март куни шифохонадан чиқди.

88 ёшли Франсиск февраль ойида оғир респиратор инфекция билан касалхонага ётқизилган эди. Шифокорларнинг айтишича, у Ватиканда камида икки ой давомида дам олиши керак бўлади.

Ватикан маълумотига кўра, якшанба куни у Римдаги Агостино Гемелли касалхонасидан Анжелус намозидан сўнг дуо қилишни режалаштирмоқда.

Сўнгги йилларда Рим папаси бир неча бор грипп билан касалланиб, турли соғлиқ муаммоларига дуч келган. У ёшлигида плеврит билан оғриб, ўпкасининг бир қисми олиб ташланган. Шунингдек, тиззасидаги муаммолар туфайли ногиронлар аравачасидан фойдаланади ва 2021 йилда ичак операциясини ўтказган.

Понтифик соғлиғи туфайли ўз вазифаларини тўлиқ бажара олмаслигини сезса, лавозимидан истеъфо беришини истисно этмади.