Трамп Путин қулоқ солади деб умид қилмоқда
АҚШ президенти Доналд Трамп Россия президенти Владимир Путин Киевга яқинда берилган зарбалар бўйича билдирилган танқидларни инобатга олишига ишонч билдирмоқда.
«Ҳа, шундай деб ўйлайман,» дея жавоб берди у журналистнинг Путин унинг чақириқларига қулоқ солишига ишониши ҳақидаги саволига.
Бундан олдин Трамп Россиянинг Киевга зарба бериши учун вақт «ноқулай» эканлигини таъкидлаган ва Украинадаги вазиятни ҳал қилиш учун тинчлик битими тузишга даъват этганди.
Трамп The Atlantic журнали муҳаррири Жеффри Голдберг билан бўладиган суҳбатни эълон қилди. Голдберг хато туфайли Сигнал мессенжерида юқори мартабали маъмурият вакиллари билан гуруҳга қўшилган ва бу кенг кўламли жанжалга сабаб бўлганди.
АҚШ президентининг айтишича, Голдберг ва яна икки журналист «бу асрнинг энг аҳамиятли президенти» ҳақида материал ёзмоқчи. «Мен бу суҳбатни қизиқиш ва ўзим билан баҳслашиш учун беряпман, The Atlantic ҳақиқатни ёза оладими, кўрмоқчиман. Улар Трамп ҳақида ҳаққоний ҳикоя ёзишга қодирми?» – деди Оқ уй раҳбари.
