Буюк Британия полицияси Эроннинг етти фуқаросини ҳибсга олди, уларнинг баъзилари терактларни тайёрлашда гумон қилинмоқда

Ушбу шахслар иккита алоҳида тергов жараёни натижасида қўлга олинган, дея хабар бермоқда мамлакат расмийлари.

Лондон полициясининг таъкидлашича, биринчи тергов «муайян бир бинога» ҳужум қилиш режаларига тегишли.

Полиция гап айнан қайси бино ҳақида кетаётганига аниқлик киритмаган. Бироқ полиция ушбу бино эгалари хабардор қилинганини ва уларга зарур ёрдам кўрсатилаётганини маълум қилган.