Трамп Украина Путинга Киевга ҳужум қилиш учун баҳона берганини айтди
«Мен Украина Хавфсизлик хизмати томонидан ўтказилган “Ўргимчак тўри” операцияси ҳақида хабар топганимда “Улар Путинга Украина шаҳарларини бомбардимон қилиши учун баҳона беришди, энди Россия жавоб зарбасини беради”, деб ўйлагандим», – деди Қўшма Штатлар президенти Россиянинг Киевга уюштирган кучли ҳужумига изоҳ берар экан.
Трамп, шунингдек, уруш ядровий можарога айланиб кетмаслигига ҳамда Россия Украина билан музокараларни тўхтатмаслигига умид қилаётганини таъкидлади.
Бундан ташқари, Трамп АҚШ Сенатида ишлаб чиқилган Россияга қарши янги санкциялар лойиҳасини “жуда кучли” деб атади, бироқ Вашингтон бу санкцияларни “зарурат туғилганда” қўллашини ва тегишли қарорни шахсан у қабул қилишини билдирди. Шу билан бирга, Трамп бу янги санкцияларни қўллаб-қувватлаётлашига аниқлик киритишдан бош тортди.
Қўшма Штатлар етакчиси, шунингдек, Илон Маск билан тузилган мавжуд давлат шартномалари ва берилган субцидиялар тўлиқ қайта кўриб чиқилишини маълум қилди.
