Миср ҳукумати Ғазога Глобал Маршни тўсиб қўйди

Миср ҳукумати Ғазога Глобал марш иштирокчиларини Қоҳирадан Исмоилияга кетаётган биринчи назорат-ўтказиш пунктида тўхтатиш учун куч ишлатган. Бунга жавобан ташкилотчилар зўравонликлар кучаяётган бир пайтда барча фаолларни пойтахтга қайтишга шошилинч чақириқ билан чиқишди .

80 дан ортиқ давлатдан 4000 га яқин фаол иштирок этган марш автобусда Қоҳирадан Синайдаги Аришга бориш, сўнгра Ғазо яқинидаги Рафаҳ ўтиш жойигача пиёда давом этишни режалаштирган. Акциядан мақсад Исроилнинг геноцид урушини тўхтатишни талаб қилиш ва Миср томонида тўпланган инсонпарварлик ёрдамларининг Ғазога етказилишини таъминлаш эди .