Эй, воҳ, бу нима кўргулик?! Ер ёрилиб кетмайдиям!.. Фожиа!..

28 май куни Пахтачилик 38 ёшли эркак 31 ёшли аёли ва 29 ёшли укасини Санкт-Петербургдаги ижарадаги уйида пичоқлаб ўлдирган.

Россияда 8 йилдан буён ишлаб келган А.Ш. аёлини 2024 йил январь ойида Санкт-Петербургдаги ижарада укаси билан яшаб турган уйига олиб келади. Аёл Л.Ш.ни сотув дўконга ишчи қилиб жойлаштиради. Ўзи эса квартира олиб ремонт қилади. Укаси Б.Ш ўша ижарада яшаб келган кўп қаватли уйнинг пастида нонвойлик қилган.

Ҳар куни 4 соат ишлаган аёл асосан уйда қолган. Ака эрта тонгда кетиб, кеч қайтган. Ука бу вақтда тушлик вақти уйга келиб келинойиси билан бирга овқатланган. Кечаси ҳам акасидан олдин уйда бўлиб кўпроқ вақтини келинойиси билан ўтказган.

Орада аёл ҳомиладор бўлиб қолган. Бундан хабар топган эр аёлини Пахтачига юбормоқчи бўлади. Аммо аёл қаршилик қилгани учун уни шу ерда қолиб, туғишига рози бўлади. Аёл болани дунёга келтиради. Эрига муносабати ўзгаради. Бирга ётмасдан алоҳида ётади. Бундан эр шубҳалана бошлайди. Аёлининг телефони қўлига тушиб қолади. Аёл ва укасининг ёзишмаларини кўриб қолади. Унда аёл бола иккаламизники, акангизни унда ҳаққи йўқ деган. Ука бунга жавобан акам билан бирга ётсанг сени талоғингни бераман, деган. (Ёзишмалардан англашилишича, уларнинг яширинча никоҳи ҳам бўлиши мумкин).

Барчасидан хабардор А.Ш. уларни кузата бошлайди. Уйнинг эгаси айтяпти деб эшикни алмаштиради, калитни фақат аёлига ва ўзига ясаттиради. Уйга камера ўрнатади. Камера А.Ш. нинг телефонига уланган бўлади. 2025 йил 28 май куни А.Ш. ишга бормасдан ижара уйи яқинида кафеда сергак ўтиради. Ака-ука бирга ишга чиқиб кетади, ука бир соатлардан сўнг эшикни таққилатади ва уйга киради. 11.00 да кирган Б.Ш. акасининг аёли Л.Ш. ни ўзининг ётоқхонасига олиб кириб кетади. Вазиятни кузатиб турган ака кўп ўтмасдан уйга келиб, аёли ва укасини душда ялонғоч ҳолатда тутиб олади. Ўша заҳоти ошхона пичоғи билан аввал укасини, кейин аёлини пичоқлаб ўлдиради.

Ука ва хотин гўрда, ака қамағда, чақалоқ қарамағда.

А.Ш. Санкт-Петербург шаҳар суди томонидан терговга қадар қамоққа олинган. У суриштирувда барчасини бўйнига олган. Ҳолатни ўз оғзи билан сўзлаб берган.

Чақалоқ тирик қолган. Ҳозирда у Россияда қаровсиз қолгани учун махсус ташкилотлар қарамоғига олингани айтилмоқда. А.Ш.нинг Пахтачида истиқомат қилувчи ота-онаси воқеадан хабар топиб, Санкт-Петербургга етиб борган, келини ва ўғлининг майитларини олиб келиш чораси кўрилмаган, уларни ўша ердаги мусулмонлар қабристонига кўмишган, чақалоқни Ўзбекистонга олиб кетиш бўйича ҳам ижобий ечим ололмаган.