Путин: «Трамп жасур инсон, у билан учрашаман»
Россия президенти Владимир Путин АҚШ президенти Дональд Трамп билан учрашиши мумкин.
Бу ҳақда Россия етакчиси Беларус пойтахти Минскка ташрифи якунлари бўйича журналистлар билан суҳбатда айтиб ўтди.
«Шундай қилиб, умуман олганда, учрашув бўлиши мумкин ва биз бунга мамнуният билан тайёрланамиз», деди Путин.
У, шунингдек, Трамп Украинадаги вазиятни ҳал қилишга кўмаклашишга чин дилдан ҳаракат қилаётганини таъкидлади.
«У мамлакат ичида нима қиляпти, Яқин Шарқдаги вазият билан боғлиқ ва Украина инқирозини ҳал қилиш борасидаги саъй-ҳаракатлари – биз, албатта, буларнинг барчасини жуда қадрлаймиз. Мен буни аллақачон айтганман ва ҳозир ҳам очиқ айтмоқчиман: Президент Трамп муаммони Украина йўлида ҳал қилишга чин дилдан интилаётганига ишонаман», – деди Россия президенти.
Путин Трампга катта ҳурмат билан қарашини таъкидлади.
«Мен АҚШнинг амалдаги президентини жуда ҳурмат қиламан. У ҳокимиятга ва Оқ уйга қайтиш учун жуда узоқ, қийин ва хавфли йўлни босиб ўтди. У жасур одам, бу аниқ», – деди у.
