Америка қўшинларини Ироқдаги «Айн ал-Асад» базасидан олиб чиқиш жараёни бошланди
Ироқ хавфсизлик манбаларига кўра, 2025 йил сентябрь ойи бошигача «Айн ал-Асад» базаси АҚШ қўшинларидан бутунлай озод этилиши кутилмоқда. Базанинг ёпилиши 15 сентябрга режалаштирилган.
Бу қадам Бағдод ва Вашингтон ўртасида Ироқдаги халқаро коалициянинг ҳарбий миссиясини тугатиш тўғрисидаги келишувнинг бир қисмидир. Анбар вилоятида жойлашган «Айн ал-Асад» базаси кўп йиллар давомида Америка кучлари учун муҳим стратегик объект бўлиб келган.
