Дональд Трамп 20 та давлат раҳбарлари билан учрашмоқчи
АҚШ президенти Дональд Трамп БМТ Бош Ассамблеясининг 80-сессияси доирасида 20 та давлатнинг раҳбарлари билан учрашишни режалаштираётганини маълум қилди, дея хабар беради Report.
Бу ҳақда Америка етакчиси Оқ уйда журналистлар саволларига жавоб бериш чоғида маълум қилди.
— Кўплаб раҳбарлар билан учрашаман, йигирмага яқин. Ҳамма учрашмоқчи, айримлари билан учрашамиз, — деди у.
Бирлашган Миллатлар Ташкилоти Бош Ассамблеясининг 80-сессиясининг асосий тадбирлари 23-27 ва 29 сентябрь кунлари бўлиб ўтадиган умумий сиёсий дебатлар бўлиши кутилмоқда. Унда жами 195 давлатнинг делегация вакиллари сўзга чиқиши режалаштирилган.
