Трамп Путинни “қоғоз йўлбарс” деб атади
«Президент Путиндан ҳафсалам пир бўлди. У Украина билан урушни бир ҳафтада тугатиши керак эди. Аляскадаги учрашувимизда мен унга қуйидаги сўзларни айтдим: Сен тўрт йилдан бери бир ҳафтада тугаши керак бўлган урушни давом эттиряпсан. Нима, сен қоғоз йўлбарсмисан?», — деди АҚШ президенти генераллар билан учрашувда.
Ўтган ҳафта ҳам Трамп Россияни “қоғоз йўлбарс” деб атаб, у Украина билан урушда муваффақиятсизликка учраганини айтган эди.
«Россияни одатда айиққа қиёслашади. Қоғоз айиқлар бўлмайди. Россия — бу ҳақиқий айиқ», — деган эди Россия президенти матбуот котиби Дмитрий Песков бунга жавобан.
