АҚШ, Миср, Қатар ва Туркия Ғазо секторидаги урушни тўхтатиш тўғрисидаги битимни имзолади
Бу ҳақда Fox News хабар бермоқда.
Ҳужжат 13 октябр куни Мисрнинг Шарм аш-Шайх шаҳрида имзоланди. Доналд Трамп 13 октябрни «Яқин Шарқ учун ниҳоят тинчлик келтирган буюк кун» деб атади.
«Биз кўплаб қоидалар, низомлар ва бошқа кўп нарсаларни ўз ичига олган ҳужжатни имзоламоқчимиз – у жуда кенг қамровли. Бугун биз нишонлаётган бурилиш воқеаси Ғазодаги урушнинг тугашидан ҳам муҳимроқдир. Худо хоҳласа, бу бутун Яқин Шарқ учун янги даврнинг бошланиши бўлади», — деди АҚШ президенти.
«Бу кунга етиб келиш учун бизга 3 минг йил керак бўлди, тасаввур қиляпсизми? Ва бу келишув амалда бўлади,» деб таъкидлаб ўтди Трамп ҳужжат имзолангандан кейин.
