АҚШ герби ичига яшириб қўйилган “Сталин қулоғи”
1945 йилда совет мактаб ўқувчилари АҚШ ва Совет Иттифоқининг Иккинчи жаҳон урушидаги бирдамлиги рамзи сифатида Қўшма Штатларнинг Москвадаги элчиси Аверелл Гарриманга мамлакат герби туширилган ёғоч панель совға қилишади.
На ўқувчилар ва на элчи ёғоч гербда Лев Термен томонидан ишланган эшитиш қурилмаси борлигини билишмаган.
Қурилма шу қадар моҳирлик билан ишланганки, АҚШ разведка идоралари ҳеч нарсани пайқашмаган. Советлар эса 7 йил давомида элчининг хонасидаги барча суҳбатларни тинглашган.
Эшитиш воситаси топилганидан сўнг БМТга Совет разведкаси фаолиятининг исботи сифатида тақдим этилган, бироқ унинг ишлаш принципи бир неча йил давомида аниқланмаган.
