Трамп уни ғазаблантирган реклама сабабли Канада маҳсулотларига қўшимча 10 фоиз бож қўллашини эълон қилди
Доналд Трамп Қўшма Штатларнинг 40-президенти Роналд Рейганнинг нутқидан парчалар келтирилган видеороликни “сохталаштирилган” деб атади.
«Уларнинг фактларни жиддий бузиб кўрсатгани ва душманона ҳаракати туфайли мен Канада учун ҳозир тўланаётган божларга қўшимча 10 фоизлик тариф жорий қиламан», — деб ёзди АҚШ президенти Truth Social ижтимоий тармоғидаги саҳифасида.
Аввалроқ Трамп айнан шу реклама туфайли Канада билан савдо музокараларини тўхтатган эди.
Шундан сўнг реклама буюртмачиси Канаданинг Онтарио провинцияси ҳукумати реклама ролигини эфирдан олиб ташлашини маълум қилди, бироқ бу душанбадан бошлаб амалга оширилади. Бу эса реклама дам олиш кунлари Қўшма Штатларда машҳур бейсбол ўйини транцлацияси пайтида эфирга узатилишини англатади.
