Тошкент вилоятида 5,9 млрд. сўмлик газдан ўғринча фойдаланган “метан заправка” фош этилди
“Ўзэнергоинспекция” вилоят бошқармасининг маълум қилишича, Қибрайда жойлашган “М.С.” МЧЖга қарашли автомобилларга газ қуйиш шохобчаси ҳисоблагичга таъсир ўтказиб, газдан ноқонуний фойдаланиб келган.
Дастлабки ҳисоб-китобларга кўра, давлатга 5 млрд. 972 млн. сўм зарар етказилган.
Ҳозирда ҳолат юзасидан терговга қадар текширув олиб борилмоқда.
