АҚШ БМТ Хавфсизлик Кенгашига Сурияга нисбатан санкцияларни бекор қилишни назарда тутувчи резолюцияни тақдим этди
АҚШ БМТ Хавфсизлик Кенгашига Сурия президенти Аҳмад аш-Шараъа бошчилигидаги ўтиш даври ҳукуматига нисбатан санкцияларни бекор қилишни назарда тутувчи резолюцияни тақдим этди, деб хабар бермоқда Reuters.
Мазкур ҳужжат Сурия етакчисининг АҚШ президенти Доналд Трамп билан учрашуви арафасида илгари сурилмоқда, дея ёзмоқда агентлик.
«Резолюция лойиҳасида Сурия ички ишлар вазири Анас Хаттобга қўйилган санкцияларни ҳам бекор қилиш кўзда тутилган», дея қайд этади Reuters.
Аввалроқ, Оқ уй матбуот котиби Кэролайн Ливитт АҚШ президенти Доналд Трамп душанба куни Сурия президенти Аҳмад аш-Шараъа билан учрашув ўтказишни айтган эди.
