Венесуэла Вашингтондан бу ҳуқуқларни тортиб олган…
АҚШ Венесуэладаги нефтга бўлган ҳуқуқларини қайтариб олишни истайди, Вашингтондан бу ҳуқуқларни Венесуэла ҳукумати тортиб олган, деди Доналд Трамп.
Унинг сўзларига кўра, Венесуэла Қўшма Штатларга тегишли активларни ноқонуний равишда эгаллаб олган, Америка компанияларини мамлакатдан ҳайдаб чиқарган ҳамда ерлар ва нефт қазиб олиш ҳуқуқларини тортиб олган.
«Улар уни ноқонуний равишда олиб кетишган,» – деди Америка етакчиси журналистларга.
Трамп шунингдек, Вашингтон Венесуэла расмийларини активларни ўғирлаш, терроризм, наркотрафик ва одам савдосида айблаб, уларни хорижий террорчилик ташкилоти деб билишини таъкидлади.
«Мамлакатимиз кучли бўлади. Биз адолатни тиклаймиз!», — дея қўшимча қилди АҚШ президенти.
