Ўзбекистон ўсмирлар терма жамоасининг икки футболчиси Португалия клубига ўтаётгани ҳақда хабарлар тарқалди

Ўзбекистон ўсмирлар терма жамоасининг аъзолари — Сайфиддин Содиқов ва Садриддин Ҳасанов фаолиятини Португалияда давом эттириши мумкин. Бу ҳақда Go Sport телеграм канали ёзмоқда.

Маълум қилинишича, икки нафар футболчи Пиреней яриморолига учиб бориб, Португалиянинг Брага клубида тиббий кўрикдан ўтади. Кўрик жараёнлари муваффақиятли якунланган тақдирда, томонлар ўртасида шартнома имзоланиши режалаштирилган. Футболчиларга ушбу сафарда уларнинг агенти Эгор Криметс ҳамроҳлик қилмоқда.

Мазкур жараён Ўзбекистон ёш футболчиларининг халқаро майдонга чиқишидаги муҳим қадамлардан бири сифатида баҳоланмоқда.