Венесуэлада миллий ҳукумат фаолият юритмоқда
Венесуэла вице-президенти Делси Родригес халққа мурожаат қилиб, мамлакатда миллий ҳукумат фаолият юритаётганини маълум қилди.
Родригес Венесуэлада фақат битта президент борлигини ва бу Николас Мадуро эканини айтди. У, шунингдек, Каракас Мадуро ва унинг рафиқасини зудлик билан озод қилишни талаб қилишини билдирди.
Вице-президент ўз мурожаатида Венесуэлага қарши қуролли тажовузни қоралади ва мамлакатда Мудофаа кенгаши иш бошлаганини билдирди. Унинг айтишича, ҳукумат мамлакатни ҳимоя қилишга тайёр ва мамлакатда фавқулодда ҳолат жорий этиш тўғрисидаги декрет кучга кирган.
«Венесуэлада аниқ ва қонуний ҳукумат мавжуд. Венесуэла ҳеч кимнинг колониясига айланмайди. Биз ўз табиий ресурсларини ҳимоя қилишга тайёрмиз», — дея таъкидлади Родригес.
Аввалроқ АҚШ президенти Доналд Трамп Венесуэла вице-президенти Делси Родригес мамлакатда ҳокимиятни қабул қилиб олгани ва Вашингтон билан ҳамкорлик қилишга рози бўлганини айтганди. Трамп, шунингдек, эндиликда АҚШ Венесуэлани бошқаришини билдирган ва мамлакатга қарши зарбаларнинг иккинчи тўлқини билан таҳдид қилганди.
