Трампнинг куёви Жаред Кушнер Ғазо секторини қайта тиклаш режаси лойиҳасини тақдим этди
АҚШ президенти Доналд Трампнинг куёви Жаред Кушнер Давосдаги Жаҳон иқтисодий форуми доирасида ташкил этилган “Тинчлик кенгаши” низомини имзолаш тадбирида Ғазо сектори қайта қурилишини, у ерда аҳоли учун кўплаб имкониятлар яратилишини маълум қилди.
Режага кўра, келгуси 10 йил ичида Ғазо секторининг ялпи ички маҳсулоти 10 миллиард доллардан ошади ва 500 мингдан ортиқ янги иш ўринлари яратилади. Шунингдек, 5 миллиард доллардан ортиқ маблағ замонавий ва ишончли коммунал инфратузилма ҳамда жамоат хизматларини ташкил этишга йўналтирилади.
