Шохи чиқмаганлиги аниқ. Лекин соққа..!
Кениялик 22 ёшли Труфена Мутони дарахтни 72 соат давомида қучоқлаб турган ҳолда Гиннесс рекордлар китобига кирди. Бу ҳақда 28 январь куни Guinness World Records расмий сайти хабар берди.
Сўнгги икки йил ичида мазкур рекорд бир неча бор янгиланди. 2024 йилда Угандалик ёш аёл дарахтни 16 соат 6 сония қучоқлаб, янги натижа ўрнатган. Кейинчалик ўша йилнинг ўзида Ганадан бўлган ёш фаол рекордни 24 соат 21 дақиқа 4 сонияга етказган.
Труфенанинг ўзи эса илк рекордини 2025 йил февраль ойида ўрнатиб, 48 соат давомида дарахтни қучоқлаб турган эди. Бироқ ганалиқ Фредерик Боакье бу кўрсаткични 50 соат 2 дақиқа 28 сониягача оширганидан сўнг, Труфена рекордни янгилашга қарор қилиб, дарахтни тўлиқ уч сутка — 72 соат қучоқлаб турди.
Труфенанинг таъкидлашича, у бу ҳаракати орқали табиатни муҳофаза қилиш масаласига жамоатчилик эътиборини жалб этишни мақсад қилган. Шунингдек, у янги рекордга жиддий тайёргарлик кўрганини ва натижадан жуда мамнун эканини айтган.
Гиннесснинг рекордлар китобига кирганларга қанча пул беришини биласизми?! Ўҳ-ҳў! У уч кун дарахтни қучоқлаб камида беш йилга етадиган пул ишлаб олди. Агар сиз тўрт кун қучоқласангиз, сиз ҳам ушбу китобга кирасиз ва пулнинг тагида қолиб кетасиз.
