Йиғиштирсангчи, карам шўрвангни!..
Бу ҳам олифталикни, ман манликни, ўзининг миллатини, тилини менсимасликнинг бир тури… Ҳозир арабча ўргатадиганлар ҳам кўпайгандан кўпайиб кетган. Бу албатта яхши. Яхшилигининг сабаби Қуръони Каримни мукаммал ўрганиб олиш… Аммо ўргатаётганларни кузатсангиз. «Устоз», деган сўзнинг ўрнига «устоза» , «маъсул» сўзининг ўрнига «масъула»ларни қўллашади. Нега? Ўша ўргатаётганни ўзи ҳам негалигини билмайди. Аслида эса бу манманликка киради. Чунки, унинг шундай дейишини ўзи мен биламан, қойилатаман деган маъноларни беради. Ҳой барака топгур, ўзбек тилида «род» деган нарсани ўзи йўқ. Гапнинг кимга тегишлилигини билиш учун жумла қурилишига эътибор қаратиш лозим Шундай экан, «устоз»ни, устоз, «маъсул» масъул деб ишлат. Нега энди бутун бошли тилни бузишга ҳаракат қиласан?.. Бир пайтлар ҳамма гапга ўрисча аралаштириш мода бўлганди. Энди бўлса арабча аралашаяпди… Гу шу билан бир томон гуллаб яшнаб кетадигандай…
Ҳа-а, ўша «устоз» (уларнинг тили билан айтганда устоза), «бугун навбатчи» деб ёзиб қўйибди… Яхши. Ҳамма нарсани жинсларга ажратар экансан «бугун навбатчия», деб қўй. Шунда билиб оламиз навбатчининг ўғил бола эмаслигини!..
