Америкага борсанг нафас олганинг учун ҳам пул беришади, дейишарди. Шунга ишониб… (видео)

Мана борганлар. Энди бир дақиқа бир жойда тиниб ўтиришга вақтлари йўқ. Тунни кунга боғлашмаса тирикчиликлари ўтмайди… Аслида, бу қизлар уйда ўтиришлари, эрлари топиб келганларини авайлаб-асраб рўзғорларига сарфлашлари, болаларини тарбиялашлари керак эди. Аммо… Аммо энди улар йўлда. Эркак киши бошқаришга ҳайқадиган бир биридан улкан машиналарни ҳайдаб юришибди. АҚШнинг нечта штати бўлса ҳаммасини  кезиб юришибди. Энди шу ҳаётми? Бир мартага дунёга келишади. Ўйнаб-кулиб яшашлари керак эди. Ибодатда бўлишлари керак эди. Эрларини севикли ёрлари бўлишлари керак эди… Аммо… Биттасининг гапларини эшитдим. Жойи келса эмин-эркин сўкиниб ҳам юбораяпди. Овозидан, ўзини тутишидан унақа қизларга ўхшамайди. Бироқ нима қилсин, асаблари тамом бўлган… Аслида уларнинг мана шундай чет элларда итнинг азобини тортиб юришларига биз эркаклар сабабчимиз!..