Хитой ядровий қуролларнинг янги авлодини ишлаб чиқаётган бўлиши мумкин

АҚШ разведка агентликлари Хитой янги авлод ядровий қуролларини ишлаб чиқаётганига ва ядровий арсеналини ўзгартириш доирасида камида битта синов ўтказганига ишонмоқда.

Бу ҳақда CNN телеканали манбаларга таяниб хабар берди.

Ушбу манбаларга кўра, Хитой ўзининг ядровий арсеналига инвестициялар эвазига бошқа ҳеч қандай доминант ядровий кучга тенг келмайдиган техник имкониятларга эга бўлади. Таъкидланишича, 2020 йил июнь ойида Хитой гўёки мамлакатнинг шимоли-ғарбидаги Лоп Нур иншоотида синов ўтказган ва шу билан 1996 йилда жорий этилган мораторийни бузган. АҚШ разведка агентликлари синов Хитойнинг янги авлод ядровий қуролларини ишлаб чиқиш истаги билан боғлиқ деб ҳисоблашади. СНН шунингдек, Хитой мамлакат ҳеч қачон ишлаб чиқармаган паст самарали тактик ядровий қуролларни ишлаб чиқаётган бўлиши мумкинлигини хабар қилмоқда.