Бозордаги арзон колбасалар: Гўштсиз «гўшт»нинг даҳшатли сири очилди!
Сиз 45-65 минг сўмга сотиб олаётган колбасанинг таркибида ҳақиқатдан ҳам гўшт бор деб ўйлайсизми? Мол гўштининг бир килограмми 160-170 минг сўм бўлган бозорда, қандай қилиб колбаса бунчалик арзон бўлиши мумкин? Биз сиз йиллар давомида истеъмол қилаётган «кимёвий бомба» таркибини таҳлил қилдик.
🚫 1. Гўшт ўрнига — «Механик ишлов берилган товуқ»
Колбаса этикеткасидаги «ММО» (Мясо механической обвалки) ёзуви нимани англатади? Бу — товуқнинг патлари ва ички аъзоларидан ташқари барча қолдиқлари (суяк, тоғай, тери) махсус прессдан ўтказилиб, бўтқа ҳолига келтирилганидир. Сиз гўшт эмас, суяк кукунини еяётган бўлишингиз мумкин.
🚫 2. Соя ва крахмал: Ҳажм учун алдов
Арзон колбасанинг ярмидан кўпи соя оқсили ва оддий крахмалдан иборат. Бу моддалар сувни ўзига шимиб олади ва 100 грамм «масса»ни 300 грамм қилиб кўрсатади. Сиз гўшт учун эмас, сув ва крахмал учун пул тўлаяпсиз.
🚫 3. Энг хавфлиси: Натрий нитрити (Е250)
Колбасанинг ўша иштаҳани очадиган пушти ранги қаердан келади? Аслида пишган гўшт кулранг бўлиши керак. Бу ёрқин рангни Натрий нитрити беради. Бу модда организмда тўпланиб, вақт ўтиши билан саратон ҳужайраларини уйғотиши мумкинлиги олимлар томонидан исботланган.
Эксперт маслаҳати: Колбасани кесганингизда у жуда юмшоқ ва «резина»дек бўлса, демак унда гўшт деярли йўқ. Ҳақиқий гўштли маҳсулот доимо қаттиқ ва толали бўлади.
