АҚШнинг USS Boxer қўниш гуруҳи Яқин Шарққа йўл олди
USS Boxer амфибия зарба берувчи гуруҳи ва унга бириктирилган 11-денгиз экспедицион бўлинмаси Калифорниядан Яқин Шарққа йўл олмоқда.
Бу ҳақда Fox News АҚШ расмийсига таяниб хабар берди.
Амалдорнинг сўзларига кўра, тахминан 4500 денгизчи ва денгиз пиёдаларидан иборат махсус гуруҳ ҳозирда Тинч океанини кесиб ўтмоқда.
Таъкидланишича, USS Boxer амфибия ҳужум кемаси минтақага етиб бориши учун тахминан бир ой вақт кетиши мумкин. Кема Сан-Диего кўрфазидан чоршанба, 18 март куни жўнаб кетди.
USS Boxer F-35B Lightning II қирувчи самолётлари, MV-22B Osprey тилтротор самолётлари, AH-1Z Viper ҳужум вертолётлари, UH-1Y Venom ёрдамчи вертолётлари ва MH-60S Seahawk вертолётларини олиб юради.
USS Boxer амфибия ҳужум кемаси ва 11-денгиз экспедиция бўлинмаси учта кемадан иборат: амфибия ҳужум кемаси USS Boxer, амфибия транспорт доки USS Portland ва қўниш доки кемаси USS Comstock.
Яқин Шарққа етиб келганидан сўнг, ушбу гуруҳ қисқа вақт ичида USS Tripoli амфибия ҳужум кемаси ва 31-денгиз экспедиция бўлинмаси билан биргаликда фаолият юритади ва келгуси ҳафталарда 31-MEUни тўлиқ алмаштиради.
Tripoli ARG / 31st MEU эса Япониядан Яқин Шарққа саёҳатини давом эттирмоқда ва келаси ҳафта бошида минтақага етиб келиши кутилмоқда.
