АМЕРИКА ҚАЙНАМОҚДА: Трампга қарши минглаб намойишлар АҚШ тарихини ўзгартириб юбориши мумкин!
Кеча, шанба куни АҚШнинг барча ҳудудларида президент Дональд Трамп ва унинг маъмурияти юритаётган сиёсатга қарши минглаб митинглар ўтказилиши кутилмоқда. Бу галги намойишлар кўлами ва иштирокчилар сони бўйича рекордларни янгилаши мумкин.
«No Kings» («Қироллар керак эмас») ҳаракати ташкилотчиларининг маълум қилишича, АҚШнинг барча 50 та штатида 3200 дан ортиқ митинг ўтказилиши режалаштирилган. Бу намойишлар АҚШ тарихидаги энг йирик бир кунлик тинчлик намойиши сифатида йилномаларга кириши кутилмоқда.
Reuters агентлигининг эслатишича, «No Kings» ҳаракати томонидан аввал ўтказилган иккита тадбирда 4 миллиондан 6 миллионгача одам иштирок этган эди. Бу галги норозилик тўлқини Трампнинг сўнгги қарорлари ва Яқин Шарқдаги кескинлик фонида янада кучайган бўлиши мумкин.
АҚШ ҳуқуқ-тартибот органлари кучайтирилган иш режимига ўтказилган. Ташкилотчилар намойишлар «нон-виолент», яъни зўравонликсиз бўлишини ваъда қилишмоқда. Бироқ, бунчалик улкан оломоннинг кўчага чиқиши Оқ уй учун жиддий сиёсий босим ва огоҳлантириш ҳисобланади.
