Биз Эронни тез орада тарк этамиз…
March 8, 2026, Dover, De, United States of America: U.S. President Donald Trump, salutes as the remains of six soldiers killed by a Iranian Drone arrive at Dover Air Force Base, March 7, 2026, in Dover, Delaware. (Credit Image: Global Look Press/Keystone Press Agency), lang="ru" March 8, 2026, Dover, De, United States of America: U.S. President Donald Trump, salutes as the remains of six soldiers killed by a Iranian Drone arrive at Dover Air Force Base, March 7, 2026, in Dover, Delaware. (Credit Image: Glob
АҚШ Президенти Дональд Трамп Reuters агентлигига берган интервьюсида Яқин Шарқдаги ҳарбий кампания ва Шимолий Атлантика альянси (НАТО) билан муносабатларга доир шов-шувли баёнотлар берди. Президентнинг таъкидлашича, Қўшма Штатлар Эрондаги ҳарбий ҳаракатларини якунлаб, у ердан «етарлича тез» чиқиб кетишни режалаштирмоқда.
Трамп Эронга қарши амалиётлар ўз мақсадига эришганини, хусусан, Теҳроннинг ядровий қуролга эга бўлиш имкониятлари йўқ қилинганини билдирди.
«Биз у ердан анча тез чиқиб кетамиз. Эрон энди ядровий қуролга эга бўлолмайди, чунки улар ҳозир бунга қодир эмас. Мен қўшинларимизни олиб чиқаман, агар зарурат туғилса, фақатгина «нуқтали зарбалар» бериш учун қайтишимиз мумкин», — деди АҚШ раҳбари. Президент интервью давомида НАТО иттифоқчиларининг Эрон масаласида АҚШни етарлича қўллаб-қувватламаётганидан кескин норозилигини билдирди. У НАТОдан чиқиш имкониятини «мутлақо аниқ» кўриб чиқаётганини таъкидлаб, альянс фаолиятига нисбатан ўз эътирозларини миллатга йўллайдиган навбатдаги мурожаатида батафсил баён қилишини айтди. Урушнинг қачон расман якунланиши ҳақидаги саволга Трамп аниқ муддат келтирмади, бироқ АҚШнинг минтақадаги бевосита ҳарбий иштироки узоқ давом этмаслигига ишора қилди. Ушбу баёнотлар Вашингтоннинг Яқин Шарқдаги геосиёсий стратегияси ва Европа билан мудофаа иттифоқи келажаги борасида жиддий саволларни келтириб чиқармоқда.
