«Вақт — пул, лекин биз иккаласини ҳам йўқотяпмиз»

2026 йил 1 апрелдан бошлаб Ўзбекистон иқтисодиётида кескин бурилиш юз берди: энди бензин, метан, пропан ва дизель учун нақд пул ўтмайди! Аммо бу ислоҳот ҳайдовчилар учун ҳақиқий «бошоғриғи»га айландими? 

Янги тартиб кучга киргач, шохобчалардаги манзара ўзгарди. Илгари бир неча сонияда нақд тўлаб кетадиган ҳайдовчилар энди терминаллар ва банкоматлар қаршисида «занжир» бўлиб туришибди.

• Навбатлар азоби: «Заправкага келиб, ёнимда нақд пул бўлса ҳам ёнилғи ололмайман. Аввал банкомат топиш, пул тушириш ва кейин қайтиб келиб навбатга туриш керак. Бу камида 2-3 соат вақтимизни ўғирлаяпти», — дейди куйиниб ҳайдовчилардан бири.

• Интернет панд бермоқда: Шаҳар марказида тизим ишлаб турган бўлса-да, четроқ ҳудудларда алоқа ёмонлиги сабабли тўловлар «айланиб» қолмоқда. «Тормоз» бўлаётган интернет туфайли навбатлар янада узаяпти.

💸 Картага пул ўтказиш — қўшимча харажатми?

Ҳайдовчиларнинг энг катта эътирози нафақат вақт, балки фоизлар билан боғлиқ.

«300 минг сўмлик бензин қуйсам, картани тўлдираётганда ҳам фоиз олиб қолишади. Ҳар 3-4 кунда шу аҳвол. Халқнинг чўнтагига бу оғирлик қилмаяптими?» — деган саволни ўртага ташлади респондентлардан бири.

🛑 Нақд пул батамом «тақиқланди»: Рўйхатда нималар бор?

Эслатиб ўтамиз, 1 апрелдан фақат ёнилғи эмас, балки қуйидагилар ҳам фақат нақдсиз шаклда сотилади:

• 🍷 Алкоголь ва тамаки маҳсулотлари;

• 🏠 Кўчмас мулк ва автомобиллар;

• ⚡️ Коммунал ва давлат хизматлари;

• 💰 Қиймати 25 миллион сўмдан ортиқ бўлган ҳар қандай олди-сотди.

Хулоса ўрнида

Тартиб замон талаби, аммо инфратузилма бунга тайёрми? Пойтахт заправкаларидаги ҳолат шуни кўрсатмоқдаки, аҳолининг аксарияти нақд ва карта тўловларининг параллел ишлаши тарафдори.