Rolls-Royce янги икки ўринли электромобилни тақдим этди

Ҳашаматли автомобиллар ишлаб чиқарувчи Rolls-Royce компанияси янги икки ўринли электр кабриолет моделини тақдим этди.

БМWга қарашли компания Ғарбий Сассекснинг Гудвуд шаҳридаги Rolls-Royce заводида қўлда йиғиладиган ва 2028 йилдан етказиб берилиши кутилаётган жами 100 дона Project Nightingale автомобилини ишлаб чиқаришини маълум қилди.

Компаниянинг таъкидлашича, автомобилнинг тўлиқ электр қувватида ишлаши механик шовқин “деярли бўлмаслигини” англатади.

Ўтган ойда Rolls-Royce 2030 йилдан бошлаб фақат электромобиллар сотиш ҳақидаги ваъдасидан воз кечиб, ушбу санадан кейин ҳам бензин двигателли автомобилларни таклиф қилишда давом этишини қўшимча қилди.

Nightingale лойиҳасининг узунлиги 5,76 метрни ташкил этишини маълум қилди. Бу ўлчам тўрт ёки беш ўринли флагман Phantom седанининг узунлигига деярли мос келади.

Шунингдек, баёнотда автомобилнинг узун капотга эга бўлиши ва бу унга “торпедасимон кўриниш” бериши айтилган.

Бу дизайн компаниянинг 1920 йиллардаги EX моделлари номи билан машҳур бўлган тажриба автомобилларидан ҳамда арт-деко давридан илҳомланган.

“Дунёнинг энг талабчан Rolls-Royce мижозларидан айримлари биздан энг йирик лойиҳаларни амалга оширишни сўрашди”, — деди Rolls-Royce Motor Cars бош директори Крис Браунриж.

Компания нархларни очиқ эълон қилмайди, Nightingale эса 500 минг-20 млн фунтлик буюртмалар орасидаги сегментга кириши айтилмоқда.