«Бавария» футбол ўйнамаяпти, олтин қазяпти!
Европа футболида «Бавария» нафақат майдонда, балки молиявий жабҳада ҳам рақибларига имконият қолдирмаяпти. Чемпионлар Лигасининг ярим финалига чиқиш клуб ғазнасига қўшимча 15 миллион евро олиб келди. Бу билан Мюнхен суперклубининг фақатгина натижалар учун олган бонуслари 83,4 миллион еврога етди!
Лекин бу ҳали бошланиши…
Олдинда иккита «олтин» қадам турибди:
-
Финалга чиқиш: Яна нақд 18,5 миллион евро.
-
Будапештдаги ғалаба: 30 май куни кубокини боши узра кўтариш клуб бюджетини яна 25 миллион еврога бойитади.
Агар клуб барча йўналишлар (ТВ-трансляциялар ва уй ўйинларидаги чипталар) бўйича даромадларни жамласа, умумий сумма 150 миллион евродан ошиб кетиши кутилмоқда. Бу «Бавария» тарихидаги мутлақ рекорддир. Мюнхенликлар «олтин машина»га айланиб бўлди!
