Трамп яна «ҳақ» берадиган бўлди!..

Кеча оқшом Вашингтондаги Washington Hilton меҳмонхонасида Оқ уй мухбирлари ва маъмурият аъзолари иштирокидаги анъанавий кечки зиёфат вақтида отишма юз берди. Ҳодиса оқибатида президент Дональд Трамп ва биринчи хоним зудлик билан эвакуация қилинди.

🔍 Гумонланувчи ҳақида нималар маълум?

Қўлга олинган шахс — Коул Томас Аллен, 31 ёшда, Калифорниянинг Торрас шаҳридан. У ҳақида қуйидаги фактлар очиқланди:

• Маълумоти: Калифорния технология институти (CalTech) ва Калифорния штати университети битирувчиси, компьютер фанлари магистри.

• Касби: C2 Education марказида ўқитувчи бўлиб ишлайди, 2024 йилда «Ойнинг энг яхши ўқитувчиси» деб топилган.

• Қизиқишлари: Инди-ўйинлар дастурчиси, Steam платформасида шутер (отишма) жанридаги ўйинлари мавжуд.

• Сиёсий фаоллиги: 2024 йилда Камала Харриснинг сайловолди кампанияси учун 25 доллар хайрия қилган, бироқ бирор сиёсий партияга аъзо сифатида рўйхатдан ўтмаган.

📋 Ҳодиса тафсилотлари

• Мақсад: CBS маълумотларига кўра, Аллен сўроқ пайтида унинг мақсади Трамп маъмурияти мулозимлари бўлганини тан олган.

• Қуролланиши: Унда ов милтиғи, тўппонча ва бир нечта пичоқ бўлган.

• Жабрланганлар: Махфий хизматнинг бир агенти яраланган, бироқ зирҳли нимча (бронежилет) унинг ҳаётини сақлаб қолган. Президент ва бошқа расмийларга зарар етмаган.

Дональд Трамп ҳолат юзасидан фикр билдириб, гумонланувчини «руҳий хаста» деб атади ва Махфий хизмат ходимларининг жасоратини юқори баҳолади. Зиёфат яқин 30 кун ичида қайта ташкил этилиши кутилмоқда.