"Эрсираш!!!"

МУҲАББАТ ЭМАС, ТУЗОҚ!

Биз бир ярим йилдан бери «Жамила-1» ва унинг аферист куёви, пул илинжида ўз уйини қўшқўллаб топширган қурумсоқ ота ва 240 мингга куйган Санжарнинг сарсонликларини эшитиб чарчамадик. Аммо жамиятдаги «эрсираш» ва «ишонувчанлик» эпидемияси тўхтагани йўқ. Саҳнага «Нафиса-2» чиқиб келди!

Уч бола ва битта «Жаллод» Нафиса — олдинги никоҳидан уч фарзанд билан қолган, меҳрга муҳтож аёл. Унинг ҳаётида «Алишер» исмли «рижол» (аслида эса латта чайнаган алфонс) пайдо бўлганида, ҳаммаси эртакдек бошланганди. «Сени Оллоҳ учун севаман, болаларингни ўз боламдек кўраман», деган баландпарвоз гаплар Нафисанинг ҳушини ўғирлади.

«Болалайдиган» пуллар ва банкдаги қопқон Алишер аввалига аёлнинг тийин-тийинлаб йиққан пулларини «айлантириб, кўпайтириб бераман» деб шилиб олди. Нафс тийилмади: Нафисанинг номидаги икки хонали уйни банкка уч йилга гаровга қўйдириб, катта пул олди. Бу ҳам камлик қилди…

Тиллалардан ич кийимгача: Тўқима эмас, ўғрилик! Кунларнинг бирида бу «қаҳрамон» аёлнинг зеб-зиййнатлари, қимматбаҳо телефони ва ҳатто ўгай болаларининг кийим-кечакларигача битта сумкага жойлаб, ғойиб бўлди. Энг жирканчлиси — бу ўғриликда Алишернинг опаси ҳам иштирок этган! Жиноий шериклик оилавий касбга айланган.

Шантаж: Иштонсиз расмлар ва виждонсизлик Нафиса милицияга мурожаат қилмоқчи бўлганида, «эркаклиқ» ниқоби тагидаги махлуқ ўз башарасини очди: «Агар 102 га телефон қилсанг, сени иштонсиз ҳолдаги расмларингни тарқатиб юбораман!» Мана сизга «Оллоҳ йўлидаги севги»нинг якуни! Шантаж, қўрқитиш ва пасткашлик.

«Саида опа, ёрдам беринг!» Энди Нафиса «Қуш эдим қанотим қийрилди, бой эдим пулимдан айрилдим» деб дод солмоқда. Очлик ва чорасизлик ёқасидаги бу аёл типик «Жамилка»ларнинг навбатдагиси. Улар худди шам атрофида айланган парвона каби аферистларнинг оловига ўзларини отишмоқда.

Хулоса ўрнида: Бундай алфонслар жамиятда кўпайиб бораётгани фожиа, аммо уларга уйини, танини ва пулини ишониб топшираётган аёлларнинг соддалиги — бундан-да каттароқ фожиа. Биз «Жамила-3″ни кутяпмизми? Қачон аёллар севгини қулоғи билан эмас, ақли билан ўлчайдиган бўлади?