Москвада дрон ҳужумлари ҳамда унинг оқибатлари акс этган фото ҳамда видеоларни эълон қилиш тақиқланади
Москва мэрлиги пресс-релизида айтилишича, ушбу қарор пойтахт аксилтеррор комиссиясининг низомига асосан қабул қилинган. Бу чора жамоат хавфсизлигини таъминлаш зарурати билан тушунтирилмоқда.
Қоидабузарларга 3 мингдан 5 минг рублгача (таҳминан 426 мингдан 710 минг сўмгача), мансабдор шахсларга 30 мингдан 50 минг рублгача (4 млн 260 мингдан 7 млн 100 минг сўмгача), компанияларга эса 200 минг рублгача (28 млн 400 минг сўм) жарима солиниши мумкин.
Чекловлар Россия Мудофаа вазирлиги, шунингдек, Москва мэрлиги томонидан эълон қилинадиган маълумотларга тааллуқли бўлмайди.
