«Арсенал» пулни тагида қолиб кетди!..
«Арсенал» Премьер-лига чемпионлигини қўлга киритиб, 22 йиллик омадсизликларга чек қўйди ва шу билан бирга улкан молиявий фойдага эга бўлди.
Якшанба куни «Арсенал» «Кристал Пэлас» меҳмони бўлади. Ўйин олдидан мезбонлар чемпионларни «шараф йўлаги» билан кутиб олишади, баҳс якунлангач эса жамоа сардори Мартин Эдегор Премьер-лига бош кубогини боши узра кўтаради.
Лондон клуби, шунингдек, биринчи ўрин учун Премьер-лигадан ўз тарихидаги энг катта чекни қабул қилиб олади. Марказлаштирилган тўловлар доирасида клублар турнир жадвалида эгаллаган якуний ўринларига қараб пул мукофоти олишади. Бу тўловлар 1-ўриндан 20-ўрингача бўлган шкала бўйича ҳисобланади.
«Арсенал» базавий тўловнинг 20 баравар кўп миқдорига эга бўлади. Маълумот учун, ўтган мавсумда чемпион бўлган «Ливерпуль» ушбу йўналишда 53,1 миллион фунт стерлинг (тахминан 68 миллион доллар) ишлаб топган эди.
Бундан ташқари, Лондон клуби Чемпионлар Лигаси финалига йўл олгани эвазига аллақачон 120 миллион фунтдан (тахминан 153 миллион доллар) ортиқ маблағни кафолатлаб қўйган. Будапештда ПСЖ устидан қозониладиган эҳтимолий ғалаба эса бу суммани янада космик даражага кўтариши аниқ!
