Европада Украинада ишлаб чиқарилган тез тайёр бўладиган лағмон сабаб сальмонеллёз тарқалди
Европа Иттифоқининг 14 та давлатида Украинада ишлаб чиқарилган тез тайёр бўладиган лағмон билан боғлиқ сальмонеллёз тарқалиши аниқланди.
Маълумотларга кўра, ўтган йилнинг ноябрь ойидан буён 14 мамлакатда 106 та тасдиқланган касалланиш ҳолати қайд этилган. Беморларнинг аксариятини болалар ва ёшлар ташкил этади.
Бу ҳақда Европа озиқ-овқат хавфсизлиги агентлиги (EFSA) ҳамда Европа касалликларни назорат қилиш ва олдини олиш маркази (ECDC) маълумотларига таяниб Associated Press (AP) хабар берди.
Идоралар маълум қилишича, камида 49 нафар бемор шифохонага ётқизилган.
EFSA ва ECDCнинг қўшма баёнотига кўра, касаллик тарқалишининг энг эҳтимолий манбаси маълум бир бренд остида сотилган, таъм кучайтирувчи қўшилган тез тайёр бўладиган лағмон ҳисобланади. Идоралар ишлаб чиқарувчи номини очиқламаган, аммо Salmonella Stanley штаммининг тарқалиши Украинадаги ишлаб чиқарувчи билан боғлиқ эканини қайд этган.
Reeva Foods компанияси ўтган ҳафта Болтиқбўйи мамлакатларига етказиб берилган ва Украинанинг Euro Food Service корхонасида ишлаб чиқарилган тез тайёр бўладиган лағмоннинг айрим партияларида Salmonella Stanley мавжуд бўлиши эҳтимоли аниқланганини маълум қилди.
Компания ички текширув бошланганини ҳамда хавфли деб топилган маҳсулот партиялари савдодан қайтариб олинганини билдирди.
Сальмонеллёз билан касалланиш ҳолатлари Австрия, Буюк Британия, Чехия, Дания, Эстония, Франция, Германия, Венгрия, Латвия, Литва, Нидерландия, Норвегия, Польша ва Швецияда қайд этилган. EFSA ва ECDC маълумотларига кўра, энг кўп ҳолатлар Германия ва Литва ҳиссасига
