АҚШда мамлакат мустақиллигининг 250 йиллигига бағишланган тадбирлар бўлиб ўтмоқда
Қўшма Штатларда кузатилаётган жазирама иссиқ туфайли байрам парадлари ва йиғилишларининг режаларуга ўзгартиришлар киритилди. Мамлакатнинг кўплаб шаҳарларда ҳаво ҳарорати қирқ даражага яқинлашмоқда.
Вашингтонда чиқиш қилиши режалаштирилган президент Доналд Трамп ўзининг узун нутқи билан иссиқдан қўрқмаслигини намойиш этишга ваъда берган.
Байрам кунининг бошида вице-президент Жей Ди Вэнс сўзга чиқди. Нью-Йорк яқинида лангар ташлаган ҳарбий кема палубасида Вэнс шундай деди: «Бугун биз келажакка қўрқувсиз боқиб, АҚШ мустақиллигининг 250 йиллигини нишонламоқдамиз. Биз эркин инсонлар эриша оладиган ютуқларнинг 250 йиллигини нишонлаяпмиз. Америка буюклигининг навбатдаги 250 йиллигини яратиш учун ҳар биримиз ўз ҳиссамизни қўшишимиз керак».
Вашингтон осмонида қуёш ботгунига қадар ҳар соатда ҳарбий ҳарбий самолётлар учиб ўтмоқда. Ушбу авиапарад иштирокчиларидан бири президентнинг янги Аир Форcе Оне самолёти бўлади. Потомак дарёсидаги баржалардан Вашингтон осмонига юз минглаб мушаклар учирилади, бу мушакбозлик Гиннеснинг рекордлар китобига кириши кутилмоқда.
Аммо жазирама иссиқ ҳам рекордлар ўрнатишга интилмоқда. Синоптикларнинг таъкидлашича, Вашингтон ва шарқий қирғоқдаги бошқа кўплаб шаҳарларда кундузи ҳаво ҳарорати 38 даражагача исиши кутилмоқда, юқори намликни ҳисобга олганда, бу иссиқлик 45 даража каби сезилади. Шу сабабли бир неча жойларда байрам тадбирларига жиддий ўзгартиришлар киритилди. 250 йил олдин АҚШ Мустақиллик декларацияси имзоланган Филаделфия ҳам шундай шаҳарлар қаторига киради. Колорадо штатида эса ўрмон ёнғинлари туфайли феерверклар дастури қисқартирилди.
Байрам тадбирларида чиқиш қилувчи санъаткорлар рўйхатига ҳам ўзгартиришлар киритилди. Уларнинг кўпчилиги Доналд Трамп сиёсатига қарши бўлгани сабабли маросимларда қатнашишдан бош тортди. Президент номига билдирилган янги танқидлар унинг кеча Рашмор тоғидаги ёдгорликда сўзлаган нутқида “коммунистик таҳдид” ва унинг “Америка ғояларига мос келмайдиган ғоялар билан суғорилган муҳожирлар” ҳақида гапирганидан сўнг пайдо бўлди.
