F-35 можароси: Трамп ва Нетаньяҳу ўртасидаги келишмовчилик кучаймоқда
АҚШ Президенти Дональд Трамп Исроил Бош вазири Биньямин Нетаньяҳунинг Туркиянинг Американинг F-35 қирувчи самолётлари дастурига эҳтимолий қайта қўшилишига қарши билдирган баёнотларига кескин муносабат билдирди.
АҚШ Президенти Дональд Трамп Исроил Бош вазири Биньямин Нетаньяҳунинг Туркиянинг бешинчи авлод F-35 қирувчи самолётлари дастурига эҳтимолий қайта қўшилишига қарши айтган танқидий фикрларидан сўнг «жуда қаттиқ ғазабланган». Бу ҳақда Американинг Axios нашри АҚШ ва Исроил расмийларига таяниб хабар берди.
Нашр маълумотига кўра, Трампнинг норозилигига Нетаньяҳунинг 6 июль куни, НАТО саммити арафасида, Fox News телеканалига берган интервьюси сабаб бўлган.
Интервю давомида Нетаньяҳу Туркиянинг F-35 дастурига қайта қўшилишига қарши чиққан. Америка расмийларидан бирининг айтишича, Трамп Исроил ҳукумати раҳбари «бу масала юзасидан фикр билдиришга ҳақли эмас», деб ҳисоблайди.
Axios нашрининг ёзишича, сўнгги ҳафталарда Нетаньяҳу бир неча бор Вашингтонга ташриф буюриш ва Трамп билан шахсий учрашув ўтказишга ҳаракат қилган, аммо бу уринишлар муваффақиятсиз якунланган.
Бундан ташқари, нашр маълумотига кўра, Исроил Бош вазири аввал режалаштирилган АҚШ сафари ҳам бекор қилинган. Расмий сабаб сифатида америкалик сенатор Линдси Грэм билан хайрлашув маросимининг ой охирига кўчирилгани кўрсатилган.
