Япония бош вазирининг уйқусизлиги инқирозга қарши бошқарув учун хавф деб баҳоланди
Япония бош вазири Санаэ Такаитининг тўлиқ ухламаслиги мамлакатнинг инқирозга қарши бошқарув тизими учун хавф туғдириши мумкин. Бу ҳақда мухолифат депутати Тору Кунисигэ маълум қилди, деб ёзади The New York Times.
Аввалроқ Такаити лавозимга киришганидан буён бир суткада нолдан уч соатгача ухлаётганини айтган эди.
«Кунига 0–3 соат ухлаш мен учун одатий ҳолга айланди», — деб ёзган у 20 июль куни. Шунингдек, дам олиш кунларини ҳам эрталабдан кечгача ҳужжатлар устида ишлаш билан ўтказаётганини таъкидлаган.
Тору Кунисигэнинг фикрича, доимий уйқу етишмаслиги инсоннинг қарор қабул қилиш қобилиятини жиддий пасайтиради ва бу ҳолат кўп жиҳатдан мастлик ҳолатига ўхшайди.
Такаитининг баёнотлари Японияда бош вазирнинг иш режими давлат бошқаруви сифатига таъсир кўрсатиши мумкинми, деган мавзуда кенг муҳокамаларга сабаб бўлди.
