Франция жануби-ғарбидаги ўрмон ёнғинлари Бордога яқинлашди
Франция ОАВ хабарларига кўра, олов Бордодан 30 километр узоқликда жойлашган. Франция ички ишлар вазири Лоран Нунес шаҳарни эвакуация қилиш эҳтимолини истисно этмади, у аҳолини хавфсиз жойларга кўчириш режасини ишлаб чиқишга топшириқ берди. «Бизнинг вазифамиз сиртдан барча вазиятларни назарда тутиш», — деди у Le Monde газетасига.
Ҳокимият ушбу ёнғинни «муқаддам кузатилмаган» деб атамоқда. Ҳозирда оловга қарши 1200 дан ортиқ ўт ўчирувчи кураш олиб бормоқда.
Франция президенти Эммануэл Макрон 24 июл куни Евроиттифоқдан ёрдам сўради, ҳамда ҳозиргача 22 минг гектар ерни вайрон қилган ёнғинларни ўчириш учун Франция армиясини сафарбар қилишга топшириқ берди.
Еврокомиссия Францияга учта ва вайронкор ўрмон ёнғинлари туфайли фавқулодда ҳолат жорий этилган Испанияга тўртта Canadair самолёт-амфибиясини юборишини маълум қилди.
Бундан ташқари, жойларда ёнғинни ўчириш ишларини мувофиқлаштиришга ёрдам бериш учун иккала мамлакат Европанинг Copernicus Ер ресурсларини кузатиш дастурининг сунъий йўлдош тасвирлари билан таъминланади.
