АҚШда бурбон вирусининг биринчи ҳолати аниқланди
АҚШнинг Нью-Йорк штатида ноёб бурбон вирусининг биринчи ҳолати тасдиқланди, унга қарши махсус даво йўқ.
Бу ҳақда People журнали хабар бермоқда.
Манбанинг хабар беришича, 67 ёшли Майкл Ларкин Лонг-Айлендда кана чақиши орқали юқадиган вирусни юқтирган. Бироз вақт ўтгач, у қаттиқ бош оғриғи ва ҳолсизликни бошдан кечирди, шундан сўнг у касалхонага ётқизилди.
Шифокорлар дастлаб Лайм касаллигидан шубҳа қилишди, аммо тест натижаси салбий чиқди. Қўшимча текширувлардан сўнг шифокорлар беморда бурбон вируси юқтирилганлигини аниқладилар. CBS News хабарига кўра, Ларкин ўшандан кейин соғайиб кетди.
Бурбон вируси биринчи марта 2014 йилда АҚШнинг Канзас штатида аниқланган ва биринчи ҳолат қайд этилган округ номи билан аталган. Ўшандан бери олтита ҳолат расман тасдиқланди, улардан иккитаси ўлимга олиб келди.
Касаллик иситма, ҳолсизлик, тошма, тана оғриғи, кўнгил айниши ва бош оғриғига сабаб бўлади. Ҳозирча бурбон вирусига қарши эмлаш ёки махсус даволаш усули йўқ.
