Антирекорд: Трампнинг рейтинги 33%га тушиб кетди
Маълум қилинишича, 17 август куни якунланган сўровда респондентларнинг 64%и Трамп фаолиятини маъқулламаслигини билдирган. Шу билан президент рейтинги август ойи бошидаги 35%дан 33%га тушган.
Қайд этилишича, рейтингнинг пасайишига АҚШнинг Эрон билан можарога аралашуви ва бунинг ортидан юзага келган иқтисодий оқибатлар сабаб бўлган.
Можаро фонида нефть бозорида вазият ёмонлашиб, бензин нархлари ошгани америкаликлар кайфиятига таъсир кўрсатган.
Сўров натижаларига кўра, америкаликларнинг 80%и АҚШнинг Эрон билан боғлиқ можародаги иштироки узоқ давом этади, деб ҳисоблайди. Фақат 16% респондент уруш бир неча ҳафта ичида якунланишига ишонишини билдирган.
